Jenising Tembung

Adhedhasar tembung basa jawa bisa dibedakake dadi sepuluh, yaiku:

a.       Tembung aran 
b.      Tembung kriya 
c.       Tembung sifat
d.      Tembung katrangan 
e.       Tembung sesulih 
f.       Tembung wilangan
g.      Tembung panggandheng 
h.      Tembung ancer-ancer 
i.        Tembung panyilah
j.        Tembung panyeru

• 1.      Tembung aran

Ing basa Indonesia diarani kata benda (nomina). Tembung aran yaiku tembung kang mratelakake jenenge barang utawa apa bae kang kaanggep barang.

Tembung aran dibedakake dadi loro:

a.       Tembung aran katon (kata benda konkret), yaiku tembung aran kang bisa nyatakake dening pancadriya, upamane: pari, pasir, lintang, tangan, lan sapiturute.

b.      Tembung aran tan katon (kata benda abstrak), yaiku tembung aran kang ora bisa kanyatakake dening pancadriya, upamane: kabudayan, ngelmu, kapinteran, bab, tembung, swasana, lan sapiturute.

• 2.      Tembung kriya

Ing basa Indonesia diarani kata kerja (verba). Tembung kriya yaiku tembung kang mratelakake solah bawa utawa tandang gawe.

Tembung kriya dibedakake dadi loro:

a.       Kriya tanduk (kata kerja aktif) : kang jejere dadi  paraga kang nindakake sawijining pakaryan.

Tuladha: mlumpat, nulis, njawil, nyapu, nganthi, lan sapiturute.

kriya tanduk dibedakake dadi loro:

1)      Kriya tanduk mawa lesan (kata kerja transitif)

Tembung kriya kang tansah mbutuhake lesan: nyebeti, nulis, ngantemi, lan sapiturute.

2)      Kriya tanduk tanpa lesan

Tembung kriya kang ora butuhake lesan: njarag, ngguyu, mangetan, lan sapiturute.

b.      Kriya tanggap (kata kerja pasif): jejer ing ukara tanggap tansah dadi sasaran sawijining pakaryan.

Tuladha: katutup, disaponi, sinebut, dakgawa, kokbalangake, lan sapiturute.

• 3.      Tembung watak

Tembung watak yaiku tembung sing mratelake sesipatan utawa kaanane barang. Tuladha: boyok pegel, arum ayu lan sapiturute.

• 4.      Tembung katrangan

Ing basa Indonesia diarani kata keterangan (adverbia). Tembung katrangan  yaiku tembung kang aweh katrangan marang tembung liya.

Tuladha: bisa, pancen, nembe, saestu, ora, radi, isih, lan sapiturute.

• 5.      Tembung sesulih

Ing basa Indonesia diarani kata ganti (pronomina). Tembung kang digunakake sesulih uwong, barang, utawa apa bae kang dianggep barang.

Tembung sesulih ana 6:

a.       Sesulih purusa

b.      Sesulih pandarbe

c.       Sesulih panuduh

d.      Sesulih pitakon

e.       Sesulih  panyilah

f.       Sesulih sadhengah

• 6.      Tembung wilangan

Ing basa Indonesia diarani kata bilangan (numeralia). Tembung wilangan yaiku tembung kang mratelakake gunggunge barang. Tembung wilayang kaperang dadi 3:

a.       Wilangan babon/wilangan wutuh, yaiku:0-9

b.      Wilangan susun

Wilangan iki kanggo ngandhakake urutaning jumlah, kayata: kapisan, kaping pitu, kaenem, kaping sangan, lan sapiturute.

c.       Wilangan pecahan

Wilangan kang gunggunge ora nganthi siji, kayata: seprapat (seprasekawan), siji telung prapat (loro kurang seprapat), lan sapiturute.

• 7.      Tembung panggandheng

Ing basa Indonesia diarani kata sambung (konjungsi). Tembung panggandheng yaiku tembung kanggo nggandhengake ukara liyane murih ukara dadi dawa. Tembung-tembunge kayata: tinimbang, nadyan, wiwit, ning, kanthi, lan sapiturute.

• 8.      Tembung ancer-ancer

Ing basa Indonesia diarani kata depan (preposisi). Tembung ancer-ancer yaiku tembung kang gunane kanggo ngancer-anceri papan utawa ngancer-anceri tembung aran. Tembunge winates kayata: supaya, kaya, kanggo, ing, lan sapiturute.

• 9.      Tembung panyileh

Ing basa Indonesia diarani kata sandang (artikula). Tembung panyileh yaiku tembung kang dinggo nyilahake patrap, barang, utawa ssawijining bab. kang klebu tembung panyilah yaiku: sang,sri, ingkang, sing, kang, lan para.

• 10.   Tembung panyeru

Ing basa Indonesia diarani kata seru ( interjeksi). Tembung panyeru yaiku tembung kang nggambarake wedharing rasa seneng, kaget, kuciwa, kagelan, susah, lan gumun. Kang klebu tembung ing kene yaiku: lha, lho, o, hore, wah, duh, lan sapiturute.